InicioSOCIEDADEO programa actividades do Nadal une os barrios

O programa actividades do Nadal une os barrios

Publicada o

Por europapress

Despois da penosa gala de acendido de Nadal, e coa Casa dos Xoguetes como fermosa iniciativa solidaria e medioambiental, o Concello da Coruña presenta o programa de Nadal, con actividades de Nadal en todos os barrios con talleres e festas infantís, entre outras propostas.

Unha das grandes protagonistas será a escritora coruñesa Luisa Villalta, a homenaxeada polo Día das Letras Galegas 2024, xa que a súa figura únese ao emblemático belén municipal, que se inaugura este martes, día 5, no Palacio Municipal de María Pita.

Hai unha marea de obradoiros na Casa dos Xoguetes, na Oficina Municipal de Información ao Consumidor, e pensados para nenos e nenas de catro a dez anos. Os talleres serán ata o 5 de xaneiro.

Ademais, o próximo 11 de decembro abrirase o prazo de solicitudes para participar nos talleres infantís e as festas de Papá Noel que levarán a cabo nos distintos centros cívicos municipais.
Haberá tamén talleres de cociña infantil en mercados nunha programación que se estenderá ata o 5 de xaneiro en diferentes espazos da cidade.

A pista de xeo situada na praza de María Pita será un dos grandes reclamos. Unha pista da que poderán facer uso de forma gratuíta os nenos e nenas que teñan praza nos campamentos municipais.

Ademais, co obxectivo de dinamizar o pequeno comercio, coas compras repartiranse un total de 20.000 tickets de desconto para a pista de xeo.

Máis novas

Aberta a Casa dos Xoguetes para fomentar a economía circular por Nadal

Prendidas 3 millóns de luces do nadal coruñés

ÚLTIMAS

O Día do Libro celébrase co 150 aniversario de Picadillo, o gran supervendas da cociña

Vai coñecendo a xente da Coruña, e de Arteixo, a historia Manuel Puga y...

Convocan unha concentración no Foro Económico para esixir a titularidade pública dos peiraos de San Diego e Petroleiro

O colectivo Defensa do Común, que aínda onte lideraba un escrito asinado por 30...

Galician Beats, o catálogo da música electrónica galega da última década

O estado de saúde da música galega contemporánea é o mellor é décadas. Diso...

O Goberno local levará ao próximo pleno o procedemento para reclamar a titularidade da Casa Cornide

Coa presión da oposición e mesmo da Xunta, o Goberno local dá un paso...