Tres axentes da Policía Nacional resultaron feridos na Coruña na madrugada do luns mentres realizaban unha intervención policial, segundo informaron a Europa Press fontes da Xefatura Superior de Policía de Galicia. Os feitos producíronse sobre as 01.30 horas entre a Rolda de Outeiro e a avenida de Arteixo cando se desprazaron ao lugar por un roubo con violencia.

Desde a Policía Nacional, indicaron que o autor levaba dúas armas brancas e mostrouse “algo violento” durante a intervención dos axentes. Os mesmos, precisaron, resultaron feridos como resultado da “redución” do home dado o seu estado, aínda que non lles agrediu, remarcaron, coas armas brancas que levaban.