A recuperación da iluminación nocturna hai xusto un ano do Obelisco Milenium ten a súa cara oposta xusto debaixo. Os baixos do Obelisco son unha auténtica cloaca. Destrozados os ferros que mantiñan pechado, o baixo está absolutamente abandonado, cheo de cascallos, de cheo a orina, de botellas, de colchóns… sendo un verdadeiro perigo para a veciñanza.

Non hai plan para este singular espazo que ía convertirse nun referente da hostalería coruñesa, pero que leva 21 anos abandonado. O ano pasado aínda o concello selaba as partes traseiras do baixo semicircular para evitar ocupacións, pero as barreiras de ferro da parte exterior foron pronto derribadas. Tense atopado ata un cadáver en 2017 neste lugar que as rumoroloxía local considera que sempre foi proxectado para converterse no mausoleo de Paco Vázquez.

Preguntado o Concello da Coruña por XdC xa o mes pasado se hai algún plan de rehabilitación, este diario non ten recibido resposta.