A pesar das peticións cidadás de entidades como Defensa do Común, e da clara contraposición do BNG, que considera o asunto un “pelotazo inmobiliario”, o pleno de decembro da Coruña aprobou (cos votos de PSOE e PP) definitivamente o estudo de detalle correspondente á parcela 2 do Plan Especial de Reforma Interior (PERI) da Maestranza, na contorna da avenida de Metrosidero.
No canto de ofrecer un espazo para a cidadanía, continúa á política especuladora do goberno local, dándose luz verde así á urbanización dunha superficie de 1.353 metros cadrados, no que a promotora ten previsto edificar un inmoble con planta baixa e cinco alturas.
Un asunto herdado ademais da débeda que o Concello da Coruña ten co estado estatal pola construción do porto exterior.
Desde o goberno local, o concelleiro de Urbanismo, Francisco Díaz Galego, apelou á existencia de informes favorables.
Oposición firme do BNG: “A pelotada inmobiliaria de Defensa S.A. sae adiante grazas aos votos de PSOE e PP”
“Estamos en contra radicalmente da política do Estado de vender a cidade a anacos”, sentenciaron desde as filas nacionalistas. “Estamos en contra radicalmente da política de Estado de vender a cidade por anacos. Da política de Defensa S.A. de facer caixa con cada un dos anacos de solo que ten na cidade de Coruña”.
Outros puntos
No pleno, aprobouse, por unanimidade, o cambio de uso da parcela onde está localizado o antigo concesionario de Conde Medín, na avenida do Ferrocarril, que pasará a ter unha cualificación urbanística de equipamento público con uso dotacional administrativo.
A Corporación, por tanto, tamén aprobou unha moción do BNG para urxir ao goberno local a, nun prazo de 3, meses traer a Pleno unha nova Ordenanza de Mobilidade. Canto ao turismo, o concelleiro nacionalista David Soto pide un novo Plan Estratéxico de Turismo, pois o anterior (2017-2020) tivo un “cumprimento escaso”.