A Deputación da Coruña promove o festival ‘Muller á Escena’, que terá lugar nos municipios de Carral e de Cambre, segundo informou a deputada de Igualdade, Soidade Agra. A programación desta mostra, que pon en valor o traballo da muller creadora, desenvolverase en ambos os concellos durante os meses de xaneiro e febreiro.
“Con esta iniciativa, queremos contribuír a visibilizar o traballo das mulleres creadoras”, recalcou a deputada de Igualdade na presentación dun evento que inclúe espectáculos teatrais, pezas audiovisuais e charlas divulgativas.
Por outra banda, a Deputación da Coruña financia a contratación de técnicos de deportes en 66 concellos da provincia para fomentar a práctica deportiva e os hábitos de vida saudables.
