Marea Atlántica fixo un chamamento a votar a “todas aquelas forzas de esquerda transformadora capaces de articular unha maioría suficiente que substitúa ao Partido Popular no goberno da Xunta de Galicia”.
Nun comunicado, Marea Atlántica apunta que é municipalista e está centrada na Coruña, pero deixa claro que “non é indiferente” para ela quen goberne a Xunta. Por tal motivo, apela a desbancar ao PP do Goberno galego “en beneficio da xustiza social, da igualdade, do feminismo e do medio ambiente”.
Así, fai unha chamada a “a responsabilidade” das forzas de esquerdas para “construír alternativas políticas de longo percorrido en todas as escalas”. Todo isto á vez que mostra “certa perplexidade” polo sucedido nestas autonómicas ao atoparse o espazo da esquerda “máis fragmentado que nunca”. “Incluso as forzas que abandonaron a confluencia na nosa cidade preséntanse aos actuais comicios por separado“, lamenta.
