O Ministerio de Agricultura, Pesca e Alimentación comezou un novo período de actividades a bordo do buque de cooperación e formación pesqueira Intermares, no porto da Coruña. Segundo informa, ao longo desta semana celebraranse seis cursos formativos, os primeiros do ano 2024, baixo a lema ‘Formar para avanzar’.
Co obxectivo de impulsar o coñecemento no ámbito da formación náutico-pesqueira, os alumnos adquirirán boas prácticas de mantemento e servizos de limpeza a bordo, artes de pesca e tecnoloxía pesqueira, electrotecnia e automatización, supervivencia no mar, así como manipulación e conservación de produtos da pesca.
Estes seis cursos celébranse en colaboración co Instituto de Ciclos Formativos e Formación Profesional Básica da Universidade Laboral, situada no municipio coruñés de Culleredo.
