InicioBARRIOSO Martes de Choqueiros do Entroido de Monte Alto segue medrando

O Martes de Choqueiros do Entroido de Monte Alto segue medrando

Publicada o

Por Ubaldo Cerqueiro

Espectacular ambientazo na tarde-noite do martes de Entroido por Monte Alto. Do Campo da Leña ao Campo de Marte, coa rúa da Torre como gran arteria entroideira, o barrio herculino viviu unha festa tremenda neste Martes de Choqueiros que volve ser a referencia que foi. O Concello contabilizou máis de 30.000 persoas disfrutando desta divertida troula.

As rúas de San Xoán e San Xosé servían para que a mocidade fose quecendo o ambiente na parte baixa da festa, cun Campo da Leña tamén ben ateigado de xentes. Pero o bulir de xente pola rúa da Torre ata o escenario sito na parada de bus da entrada do Campo de Marte, espazo xa convertido no campo da festa do barrio, era monumental. Menos choqueiro que antano e máis disfraz mercado, pero tamén moita artesanía entroideira e o máis importante, unha gran porcentaxe de xente disfrazada e facendo as risas.

Polo camiño podías atopar a Susa Cabeza, a Reina Choqueira, que pola mañá, tamén nunha sesión vermú monumental, descubría unha placa na rúa San Xoán como Choqueira do Ano 2024. A carballesa leva disfrazándose no bariu herculino dende 1972 e participando no Concurso de disfraces dende 2010, e xa cunha marea de trofeos no posto de verduras. “O que quere peixe, ten que mollarse os pés” rimaba cargando o seu posto de feira.

Placa a Susa Cabeza no Entroido da Coruna
Placa a Susa Cabeza na Rúa de San Xoán como Choqueira do Ano
homenaxe a Cantero Canzobre e Palau no Entroido da Coruna
Homenaxe a Cantero Canzobre e Palau

Os premios

Premiados do Entroido da Coruna

Xa de volta ao escenario, foron pasando os participantes ante o xurado e o público para determinar os gañadores, que non foron outros que a “Raposa” na categoría individual e os “Kutremberos” na de grupo.

’O león e o seu domador’, ‘Mujer Dakota’, ‘Miss Churra’, ‘Velutina’, ‘La tienda de Monte Alto’, ‘Condesa Araña’, ‘Jardín Encantado’ e ‘Dama de prensa’ tamén levaron premio na modalidade individual.
E na modalidade grupal quedaron entre os mellores ‘Misterios de África’, ‘Feira’, ‘Amish’, ‘Sorteo del Niño’, ‘Eduardo y el pavo de la rotonda’.

Kutremberos Entroido da Coruna
Os Kutremberos

GALERÍA

Entroido Monte Alto-Raina
A verdadeira Raíña do Entroido de Monte Alto estaba tomando un café
Entroido Monte Alto-hippie
Unha hippie
Entroido Monte Alto-Inspectoras Facenda
Inspectoras de Facenda
Entroido Monte Alto-Mauro Silva
O mesmo Mauro Silva
Entroido Monte Alto-Grito espanol
A señora española do famoso grito convertido en meme
Entroido Monte Alto-Funeral
Comitiva fúnebre
Entroido Monte Alto-Familia Moteira
Familia moteira

Entroido Monte Alto-Comparsa India

ÚLTIMAS

A veciñanza pide rescatar a liña de bus 10 para o barrio da Sagrada Familia

A política urbanística municipal leva anos apostando por unha humanización das nosas rúas, pola...

O PP pide á alcaldesa da Coruña que cese ao edil de Economía

O grupo municipal do PP no Concello da Coruña instou á alcaldesa, a socialista...

A instalación da pasarela de Solymar provocará afectacións ao tráfico

Recta final para as eternas obras do cruzamento de Solymar, en Perillo, Oleiros. Actualmente,...

Alcaldes socialistas acusan á Xunta de “afogar” aos municipios: “A factura das competencias impropias ascende a 600 millóns ao ano”

O consello de alcaldes socialistas da provincia da Coruña acusou á Xunta de "afogar" ás economías...

2 COMENTARIOS

    • A meirande parte son de Rosaura Romo, parte da familia do Xornal, por iso non van asinadas concretamente!
      Hai dúas das homenaxes aos persoeiros e do certame de comparsas que son enviadas polo departamento de prensa do Concello.

DEIXAR UN COMENTARIO

Please enter your comment!
Please enter your name here