Dúas persoas foron detidas no marco dun operativo policial desenvolvido na Coruña por venda de produto procedente do furtivismo, en concreto de ourizo. Así o confirmaron fontes consultadas por Europa Press que indicaron que se trata de actuacións a cargo da Policía Autonómica, con colaboración de axentes da Policía Nacional. Todo iso no marco dun operativo, con actuacións na lonxa da Coruña por parte dos efectivos policiais, precisaron as fontes consultadas. Sobre o mesmo, confirmaron tamén que a investigación segue nestes momentos aberta polo que non se descartarían máis detencións en relación a estes feitos.

Non entanto, o presidente da Lonxa coruñesa, Juan Carlos Corrás, en declaracións a Europa Press, apuntou que foi no exterior das instalacións e recalcou que “todo o ourizo que se vende na lonxa é legal”. Respecto do sucedido, precisou que había un dispositivo policial. “Leváronllos e non sabemos máis”, sentenciou sobre o sucedido e incidindo en que “non foi na lonxa a venda”. Non entanto, si recoñeceu que nela estaba un mozo comprando “e foi o que levaron, pero estaba a comprar alí legalmente”, en referencia ao peixe que se comericaliza. “Calquera cousa que se lle compra a un furtivo non pasa por unha lonxa, todo o que se fai é legal e todo o que se vende é legal”, insistiu en canto a esta instalación.