A alcaldesa da Coruña, Inés Rey, fixo un chamamento á “calma” tras as protestas protagonizadas por veciños ante un ‘narcobaixo’, segundo as súas denuncias, e para lograr que os seus ocupantes abandonasen o lugar. “Entendo a preocupación veciñal, estamos en contacto permanente coa asociación de veciños do Ventorillo, que non convocou a protesta”, precisou a preguntas dos xornalistas.

Por outra banda, sinalou que os veciños do edificio afectado tiveron reunións con representantes de Seguridade Cidadá do consistorio e tamén coa Policía Nacional. “Non é o camiño”, dixo sobre as protestas ante o ‘narcobaixo’ existente, segundo as denuncias veciñais, e xa precintado. Ademais, insistiu en que os efectivos policiais están a traballar, aínda que admitiu que son “actuacións complexas que requiren tempo de vixilancia, de discreción”, engadiu para apuntar, non entanto, que entende aos afectados.

Máis novas sobre a seguridade nos Barrios

Meicende, outro barrio que sofre a vaga de roubos pola expansión da heroína

Asociacións veciñais da Coruña aplauden a “unión” en Monte Alto pero piden non tomar a xustiza pola man

O Martinete únese contra o abandono… e o esqueleto de formigón