InicioCULTURAA Deputación celebrou o 8M homenaxeando ás "Matriarcas"

A Deputación celebrou o 8M homenaxeando ás “Matriarcas”

Publicada o

Por editor

Vestiuse de gala o vestíbulo da Deputación da Coruña para a conmemoración do Día da Muller, nun acto institucional no que participaron o presidente, Valentín González Formoso; a deputada de igualdade, Soledad Agra e a artista Guadi Galego, que coa súa canción “Matriarcas” puxo voz á historia das “conquistadoras, aleitadoras, brilantes activistas da vida cotiá” que protagonizan a campaña institucional da Deputación.

`Mulleres do pasado, semente de futuro´, é unha homenaxe “ás nosas antecesoras, para visibilizar os seus logros e a as súas dificultades”, apuntou Soledad Agra. “Conseguiron dereitos dos que podemos desfrutar hoxe: o divorcio, o dereito sexual e reprodutivo, o dereito a facer os estudos que queiramos ou a traballar no que nos guste, a poder viaxar ou vivir sen tutela masculina, e tantos outros, que lle costaron moitas protestas, folgas, até a morte, ás nosas bisavoas, avoas e nais” engadiu.

A deputada Soledad Agra polo 8M
A deputada Soledad Agra polo 8M

O presidente da Deputación, Valentín González Formoso, destacou que o 8M é “unha xornada de reivindicación, coa que facemos máis visible unha loita que debe ser diaria” e subliñou que as mulleres seguen tendo hoxe salarios un 20% máis baixos, maiores taxas de desemprego e temporalidade e pensións máis baixas, ademais de enfrontar no día a día os desafíos da conciliación ou a atención a menores e dependentes.

Programación 8M

Este acto insitucional forma parte da programación da Deputación para a conmemoración do 8M, que se desenvolverá durante todo o mes. Levarase a cabo unha dinámica interxeracional mediante a que o alumnado de diferentes centros educativos da provicia entrevista as súas avoas, nunha actividade que lles brindará a oportunidade de interactuar aprendendo das súas historias, experiencias e sabedoría. Esta dinámica culminará o día 21 nun encontro no IES Rosalía Mera con algunhas das avoas entrevistadas. Ademais, difundirase material informativo entre os centros educativos da provincia, cunha cronoloxía sobre fitos históricos acadados grazas á loita das mulleres.

Declaración institucional

8M na Deputacion da Coruna

Ademais, o Pleno da Deputación do pasado venres comezou coa lectura da “Declaración institucional do Día Internacional do 8 de marzo”, acordada por todos os grupos políticos da corporación, que se leu tamén esta mañá por parte de deputadas dos diferentes partidos políticos de toda a corporación: Avia Veira, do BNG; Mar García, do PSdG, e Izaskun García, do PP.

ÚLTIMAS

Rueda asegura que “se tomarán todas as medidas” necesarias para “facer cumprir a lei” na Casa Cornide

O presidente da Xunta de Galicia, Alfonso Rueda, afirmou que o Goberno galego tomará...

A plataforma AGalega estrea ‘Curando o mundo’, a serie documental sobre o cirurxián coruñés Diego González

A plataforma dixital AGalega estrea este martes os dous primeiros capítulos da serie documental 'Curando...

30 entidades piden o liderato municipal e a participación pública na definición do futuro dos peiraos

O 7 de maio de 2017, máis de 5000 persoas, entre elas o PSOE,...

Culleredo convoca reunións sobre as servidumes do aeroporto, publicadas no BOE e “incluídas no Plan de 2022”

O Concello de Culleredo convocará reunións sobre as servidumes acústicas e aeronáuticas do aeroporto...

DEIXAR UN COMENTARIO

Please enter your comment!
Please enter your name here