Raphael regresa a Galicia para actuar na cidade da Coruña o próximo 30 de novembro na que será a única parada en territorio galego da súa xira ‘Victoria’. O artista estará no Coliseum da cidade herculina cun repertorio que inclúe os seus clásicos ‘Mi gran noche’, ‘Que sabe nadie’ ou ‘Yo soy aquel’, acompañadas das cancións do seu último disco. As entradas para a cita, organizada por Cávea Producións co apoio da Xunta e o Concello da Coruña, poranse á venda a partir de 45 euros o vindeiro martes ás 12.00 horas en ‘Ataquilla‘ e nas oficinas da Praza de Ourense.