Domingo vivo este 10 de marzo no Club do Mar de Santo Amaro. Ademais das xa habituais citas co Depor tanto no salón como no bar, os socios estaban chamados a unhas importantes eleccións, despois de meses de incerteza, problemas laborais e unha sensación de enfrontamento continuo.
Presentábanse dúas candidaturas: unha máis continuista, liderada por Ángel Monteagudo, socio dende hai máis de 50 anos e que xa formou parte doutras directivas; e unha máis novedosa, liderada por Jorge Seco.
Houbo moita participación sendo 448 soci@s os que participaban nas Eleccións, que proclamaron a Jorge Seco como novo Presidente do Club del Mar de San Amaro, ao outorgarlle 259 votos polos 189 de Monteagudo.
Seco estará acompañado por Paula Carrón (secretaria), Roberto Vega (tesoureiro), e os vogais Antonio Pedreira, Antonio Juan Blanco, Rosana Caridad, José Manuel Gómez, Juan Luaces, Anxela Gurdiel e Ana Isabel Neira.
O programa
O Programa da candidatura liderada por Jorge Seco propon unha necesaria búsqueda da “paz interna”, tras moitos anos de continuos enfrontamentos. Tamén asegura unha maior transparencia, e unha aposta polas actividades enfocadas á rapazada e a mocidade, potenciando os talleres, xogos, dias temáticos, cine, concertos, excursións… e demais eventos sociais. Iso si, o deporte seguirá sendo o santo e seña da entidade, mantendo as máis que vivas seccións de bádminton, pinpon, buceo, pesca fondeada e pesca submarina, pero abrirán tamén o abano a novas disciplinas.
O tema dos empregados tamén é un cabalo de batallo nos últimos tempos. Para controlalo propoñen potenciar a figura dun Director Xeral, unha máis atención aos traballadores e un proceso de contratación máis controlado.
Máis novas
Inés Poncela e Maia Freire traen medallas do Spanish International sub15 de bádminton
[Vídeo] A CIG maniféstase no Club do Mar en respulsa a un novo despedimento
