Teatro do Noroeste, Ecos do Sur e á asociación de veciños Gaiteira-Os Castros foron recoñecidos cos premios Luisa Villalta da Deputación da Coruña por proxectos pola igualdade. En concreto, foi, segundo informa a institución provincial coruñesa, pola peza escénica ‘As damas de Ferrol’, do Teatro do Noroeste.
Tamén se premiaron os programas de sensibilización ‘As Marías: mulleres creadoras fronte ás violencias’, de Ecos do Sur, e ‘Mulleres da rúa’, da asociación veciñal. Entre outras cuestións, valorouse dos proxectos a súa capacidade de promover avances en materia de igualdade en ámbitos como a diversidade; a prevención da violencia machista ou o uso da creación artística para vincular a mulleres en temáticas de promoción da igualdade.
