Unha persoa sufriu este luns queimaduras nas mans ao tentar apagar o lume dunha campá extractora da súa vivenda, situada na rúa de Emilio González López da Coruña. Segundo informa o 112 Galicia, foi a propia particular a que chamou á central de emerxencias pouco antes das 12.30 horas para explicar que as chamas se iniciaron por un descoido e que se queimou cando tentaba extinguilas.

O 112 solicitou a intervención de Urxencias Sanitarias-061, aos bombeiros e á Policía Local. Mentres os equipos de extinción lograron controlar rapidamente a situación, os servizos sanitarios evacuaron á ferida en ambulancia ata o hospital.