A alcaldesa da Coruña, a socialista Inés Rey, reiterou que confía “plenamente” na “honestidade e a integridade” do seu goberno respecto de supostas irregularidades nas obras nun piso adquirido polo primeiro tenente de alcaldesa, concelleira de Economía e Planificación Urbana e portavoz do goberno local, José Manuel Lage Tuñas, denunciadas polo PP e o BNG.

“Confío plenamente no meu goberno”, recalcou. Fíxoo a preguntas dos xornalistas sobre este asunto, formuladas nun acto celebrado este venres na cidade herculina. “As explicacións daranse no lugar que corresponde, que é o Pleno, se así o demandan o resto de grupos municipais”, engadiu.

Así mesmo, Rey cualificou de “lameira” as afirmacións vertidas polo Partido Popular sobre a política municipal “con acusacións lanzadas e das que despois se retractan”. “Reitero a honestidade e a integridade do meu goberno no cal confío plenamente e no que non houbo ningún problema nestes cinco anos”, insistiu.