A alcaldesa da Coruña, Inés Rey, destacou a próxima chegada dos trens Avril a Galicia, á espera de avaliar o impacto que terán na oferta turística da cidade. Así o expuxo ao ser preguntada por esta cuestión na rolda de prensa que ofreceu este xoves. Nela, destacou o “compromiso” do Goberno de Pedro Sánchez coas infraestruturas “necesarias” para a cidade. “Desde a pasarela de Pedralonga ata o proxecto de ampliación de Alfonso Molina”, dixo para sumarlle tamén as actuacións para a futura estación intermodal. Mentres, sobre o impacto da chegada dos trens Avril na oferta turística, asegurou que “haberá que ver o impacto que terá”.