O festival de artes escénicas LGTBIQ+ ‘CoruñaFest’ celebrarase en maio na Coruña, do 9 ao 19, con dez días de programación cultural, segundo informaron os seus promotores e a alcaldesa, Inés Rey, nunha presentación, no consistorio.

“A Coruña é unha cidade diversa e aberta e desde o concello queremos abrir esa esencia aos nosos recintos municipais”, remarcou a rexedora no acto e en relación a un evento que terá lugar en diferentes puntos da cidade na súa sétima edición.

Á presentación, asistiron tamén Xosé Leis e Gustavo del Río, directores do festival, que deron a coñecer a programación deste ano e na que destacan as portuguesas Margarida Monteny e Carminda Soares e o chileno Felipe Rivas cunha exposición sobre Intelixencia Artificial.

Ademais, entre outras propostas, o Premio Nacional de Literatura Dramática, Alberto Conejero, ofrecerá un encontro literario. Tamén estará Telmo Irureta, galardoado como mellor actor relevación nos Premios Goya 2023 por ‘A consagración da primavera’.