Divertido e interesantísimo o coloquio entre Rodrigo Cuevas e Nuno Pico, de Grande Amore, que acolleu esta pasad tarde de martes 7 de abril a Fundación Luis Seoane. Un encontro enmarcado como preámbulo do concerto que o artista asturiano, Premio Nacional das Músicas Actuais, ofrecerá no Coliseum o vindeiro 30 de abril, para o que aínda se poden mercar entradas a través de Ataquilla e no despacho de billetes da praza de Ourense.
Nun ton moi distendido e ambos nun galego marabilloso (o asturiano mesmo con gheada), contaron como comezaron a traballar xuntos. Rodrigo, admirador do “gamberrismo ilustrado” de Nuno e de Grande Amore, invitouno a facer algo en común e despois de 4 anos de intentonas, conseguiron meterse xuntos no estudio para colaborar no novo disco do asturiano, “Manual de Belleza”.
Debullaron, entre risas, como foi aquela colaboración en Madrid, para lanzar o tema de “Unha muerte ideal”.
Despois da singular e permonizada experiencia, atenderon ás numersosas preguntas do público, afondando no aspecto conceptivo do traballo.
Tamén falaron das colaboracións, e mesmo intentaron chamar e enviaron unha mensaxe a Masiel, unha das divas homenaxeadas no traballo.
Máis info
Rodrigo Cuevas traerá a súa experiencia inmersiva ‘La Belleza’ ao Coliseum da Coruña en 2026
