InicioECONOMÍAAnuncian unha acampada fronte a refinería de Repsol na Coruña para loitar...

Anuncian unha acampada fronte a refinería de Repsol na Coruña para loitar polos dereitos laborais

Publicada o

Por editor

“Meses de enganos por parte de REPSOL nas negociacións de melloras para o persoal de seguridade das súas instalacións levan á FTSP-USO e  UGT a plantarse de forma indefinida ás portas das súas instalacións“. Deste xeito anuncian estes dous sindicatos unha acampada de 24 horas fronte a refinería de Repsol na Coruña este xoves, 2 de maio.

A representación sindical dos Vixiantes de Seguridade leva meses tentando negociar con PROSEGUR e REPSOL unha serie de melloras salariais e operativas tras desconvocar as concentracións que se estaban levando a cabo o pasado mes de febreiro. Despois de varias reunións e chegados a un preacordo na parte económica, a Dirección de REPSOL na Coruña comunicou a súa negativa á implementación desas melloras alegando que o persoal “non é merecedor desas melloras e que o seu salario é máis que suficiente para o traballo que realizan”.

A actitude de REPSOL foi recibida polos sindicatos con “incredulidade e asombro” nun primeiro momento tendo un preacordo económico nas mans para levar aos traballadores, provocando unha activación da acción sindical pondo no punto de mira como principal culpable da situación  á Directora do centro petroquímico.

“É un desprezo cara ás persoas traballadoras desta magnitude e levado a cabo por persoal directivo dunha multinacional como REPSOL, debe ser mesmo motivo da súa dimisión ou destitución”, destaca Iván Blanco, Secretario de Organización Estatal da FTSP-USO. “Non desistiremos nas nosas reivindicacións cunha sólida unidade de acción cos compañeiros e compañeiras da UGT, aos que recoñecemos o seu nivel de compromiso no conflito”, engade.

ÚLTIMAS

Primeiras queixas pola tardanza na publicación do programa das Festas de María Pita e do Noroeste

"Improvisación e falta de compromiso co tecido veciñal". Así define e denuncia o Movemento...

Decretada prisión provisional para un detido polo apuñalamento do Burgo

A maxistrada do Xulgado de Instrución nº3 da Coruña, en funcións de garda, decretou...

[Galería]: 45.000 persoas ratificaron o Atlantic Pride como a cita máis Orgullosa do norte do estado

Fai balance o Atlantic Pride da súa 6ª edición. O festival do ‘Orgullo do...

Xa’lum desafía o prohibido e marida a tradición galega co seu francés de orixe

"L’interdit" é o novo sinxelo de Xa'lum. Despois de Beiriña, a artista herculino/francesa saca...

DEIXAR UN COMENTARIO

Please enter your comment!
Please enter your name here