A Garda Civil detivo a un veciño de Oleiros e investiga a outra veciña do mesmo municipio como presuntos autores de máis dunha ducia de roubos e furtos, nun operativo bautizado como Operación Panturriña.

Segundo informaron uentes da Comandancia, aos investigados atribúenselles 9 delitos contra o patrimonio e tres delitos de furto de uso de vehículos.

A investigación iniciouse por mor da comisión dun roubo nun local de hostalaría en Santa Cristina, en febreiro do ano pasado. As pescudas policiais permitiron identificar aos supostos autores dese feito, un home e unha muller veciños de Oleiros.

Así mesmo, os axentes cren que ambos están relacionados con outros 11 feitos delituosos ocorridos en Oleiros entre febreiro de 2023 e abril deste ano, entre os que se atopan os roubos rexistrados nas igrexas de Liáns e Dorneda, ascendendo o importe total dos efectos subtraídos a 5.600 euros.