A Policía Local de Cambre, en cooperación coa Garda Civil, interceptou a un condutor que circulaba triplicando a taxa máxima de alcoholemia, e que se viu implicado nun accidente. Os feitos ocorreron á primeira hora da mañá do mércores, cando os axentes acudiron a un accidente de tráfico no que un vehículo se saíu da vía.
Ao facerlle a proba de alcoholemia ao condutor, esta arroxou un resultado que triplicaba o máximo permitido, polo que foi denunciado por un suposto delito contra a seguridade viaria, e as actuacións foron remitadas ao xulgado. Ese mesmo día, sobre as 22.30 horas, os axentes municipais interceptaron a outro condutor, neste caso dunha furgoneta, e comprobaron que tiña o carné retirado. Novamente, tramitouse unha denuncia por un suposto delito contra a seguridade viaria e remitíronse dilixencias ao xulgado.
