Persoal da Axencia Tributaria concentrouse este mércores ante a delegación de Galicia, na Coruña, en demanda de melloras laborais e salariais.

A protesta forma parte do calendario de mobilizacións acordado polas centrais sindicais en resposta ao bloqueo, sosteñen, da negociación colectiva para o desenvolvemento da carreira profesional, o novo convenio para o persoal laboral, o teletraballo e unha repartición xusta de produtividade.

A concentración tivo lugar no marco dunha xornada de mobilizacións en varias comunidades autónomas. Ademais, as organizacións sindicais máis representativas da Axencia Estatal da Administración Tributaria (AEAT) rexistraron este mércores no Congreso unha carta.

Foi para pedir aos grupos parlamentarios a repobración do presidente do organismo e secretario de Estado de Facenda, Jesús Gascón, pola “grave situación” que atravesa a Axencia Tributaria.

UGT, SIAT, CSIF, CCOO e CIG, que representan a máis do 80% da Mesa Xeral da Axencia Tributaria, foron as organizacións que presentaron o escrito. Entre outras cuestións, reclaman un novo convenio colectivo.