Nena Daconte, Shego, Morreo e Raúl figuran entre as novas incorporacións ao festival Atlantic Pride, que se celebrará na Coruña en xullo.
Xunto a eles, súmanse ao cartel da quinta edición Selena Leo, Eris MacKenzie e Filloas, segundo informaron na presentación da nova edición deste festival a alcaldesa da Coruña, Inés Rey, e os directores do Atlantic Pride, Iván Cervo, César Pérez e Luís Pazos.
Entre o 7 e o 14 de xullo, A Coruña volverá ser sede do ‘Orgullo do norte’ para celebrar esta nova edición na que se propoñen oito xornadas de música e de celebración ao redor da diversidade sexo-afectiva.
O festival está impulsado pola Asociación Orgullo Coruña e o Concello da Coruña, co apoio da Deputación da Coruña e o patrocinio de empresas.
Como novidade este ano, nacen as ‘Afertpaties do Atlantic Pride’ para que o público poida continuar a festa en salas seleccionadas da cidade unha vez terminados os concertos ao aire libre do festival.
