Esta semana era a Federación de Asociacións Veciñais FAVA a que deixaba claro que “o límite da paciencia da veciñanza rematou”. E así parece.
Non é a FAVA, en todo caso, a que convoca unha concentración veciñal en María Pita para o vindeiro venres 19 de xullo ás 20:00h. Son varias as entidades veciñais, alleas á Federación, as que pola súa conta, están realizando esta convocatoria a través das redes, invitando a unirse ao resto.
No comunicado manifestan o seu “profundo malestar ante a inacción e despreocupación amosada polo goberno municipal no conflito de saúde pública que levamos padecendo dende o 24 de xuño”.
”Non podemos permanecer indiferentes ante o deterioro da nosa cidade e acalidade de vida po run conflito que afecta á salubridade, seguridade, turismo, comercio, mobilidade…”
Sen querer entrar a facer xuizos de valor sobre a actitude dos traballadores, o comunicado si que reflicte o “asombro que nos provoca o sindicato STL, cuios dirixentes están sendo obxecto de investigación por unha presunta trama xudicial e levan anos secuestrando coas súas esixencias a imprescindible salubridade da cidade, e seguen sendo capaces de chantaxear a un goberno municipal utilizando unha cidade como reféns”.
Acusan tamén a Lage Tuñas o responsable de que o contrato coa empresa PreZero siga sen estar normalizado, e lamenta que a alcaldesa declare publicamente que está “atada de pés e mans”. Lembran aa subida dun 3% da taxa do lixo e esixen que se declare a alerta sanitaria, como aconteceu en 2022.
View this post on Instagram
Máis novas
O Concello estuda declarar a emerxencia sanitaria pola folga na recollida de lixo
Folga do lixo: a empresa acusa ao Sindicato da Limpeza de querer controlar a contratación do persoal
