Reuniuse esta mañá a Comisión Especial da Fachada Marítima, no salón vermello do Pazo de María Pita co profesor Carlos Nárdiz, director do equipo da UDC que elaborou o documento “Definición dunhas liñas estratéxicas para a reordenación do espazo portuario interior”.
Foi o BNG, como presidente da Comisión Especial, o que propuxo a presenza de Nárdiz -como a anterior, a de Martín Fernández Prado, coa que se abría a rolda de comparecencias neste órgano do Concello-.
“Concordamos con moitas das liñas estratéxicas que dan forma ao estudo realizado polo equipo da UDC baixo a dirección de Carlos Nárdiz. É unha achega moi interesante a un debate social que ten que estar aberto á participación de moitos axentes e colectivos cidadás”, afirma Jorquera, que entende que o debate non debe estar prefigurado pero si que pode ter certas achegas.
Máis novas
Garante o protocolo da Fachada Marítima a titularidade pública do terreos portuarios de San Diego?
