A Policía Local da Coruña detivo a un home acusado dun delito de violencia de xénero despois de, supostamente, ferir cunha arma branca á súa exparella.
Os feitos tiveron lugar este luns, 15 de xullo, ás 00,45 horas, cando unha dotación da Policía Local foi requirida nun inmoble da estrada da Pasaxe. Segundo informaron, a expareja dunha muller, tras personarse na súa vivenda, comezara unha discusión e agrediuna cunha arma branca, ocasionándolle un corte na cara.
O home ausentouse do lugar e foron os propios axentes, tras unha conversación telefónica con el, os que o convenceron para entregarse. Trátase dun home de 32 ano de idade.
A muller foi atendida por sanitarios e trasladada ao CHUAC, xa que precisaba unha intervención cirúrxica de urxencia, debido á profundidade da ferida.
