Fermosa fin de semana a que se viviu en Cambre con esta festa histórica do Galaicoi. Despois de tres días de negociacións, con armas de por medio, Castros e Romanos asinaban o seu acordo de paz, a Tessera Hospitalis. Un acordo que chegou tras unha feroz batalla final na zona do castro na que os guerreiros de ambas as faccións deron todo.

Foi o broche de ouro dominical a esta sétima edición da festa histórica, que bateu todas as marcas de asistencia. Unha festa xa asentada entre a veciñanza, como se pode comprobar vendo o ambiente que crea a xente da vila disfrazada, grazas á implicación directa de máis de 20 as asociacións veciñais, culturais e deportivas de Cambre que ocuparon as cabanas castrexas, covertendo o castro nunha romaría tradicional.

A programación deste ano incluíu un concerto do grupo Pelepau, representacións teatrais da compañía Noite Bohemia, recreacións de batallas, showcookings de pratos típicos da época, pasacalles, obradoiros de artesanía tradicional e un mercado con preto de 50 postos.

Unhas das citas máis esperadas foron as cruentas batallas, como a do sábado, na que os romanos intentaron o asedio co castro.

Máis citas históricas

A Feira das Marabillas volve trasladar á Cidade Vella ao Medievo