Grupos de Corea do Sur, Arxentina e México, xunto á a Asociación de Coros e Danzas Eidos, actuarán desde este mércores e ata o domingo, día 11, no Festival Internacional de Folclore Cidade da Coruña.

A alcaldesa herculina, Inés Rey, recibiu este mércores, no Palacio Municipal de María Pita, ás catro formacións que participarán no festival.

Ademais da Asociación de Coros e Danza Eidos, estarán o Ballet de Arte Folclórica Arxentino; Sun A Arts Company, de Corea do Sur e a Compañía Nacional de Danza Folclórica, de México.

Por outra banda, a rexedora presidiu este mércores a presentación da nova edición do Calendario Histórico da Coruña, que recolle 600 feitos e 30 novas efemérides. O exemplar reúne trece fotografas antigas da cidade pertencentes á colección Bartolomeu-Chavert.