O ano pasado xa as vimos triunfar no Atlantic Pride, facendo cantar o Varre Vasoira a toda a Praza de Pontevedra. En febreiro deste ano xa comprobamos a súa progresión no Festival dos Medios en Galego. E onte fomos testemuñas do que xa é unha auténtica realidade da música galega contemporánea, enchendo de tradición e vangarda toda unha praia de Riazor.
Porque o Festival Noroeste segue a ser unha das referencias musicais do verán en Galicia. A pesar dos recortes, da tardanza na súa publicación, e de tantas cousas, o Noroeste segue a estar nos corazóns de todos os coruñeses, que volveron encher o areal para gozar, desta volta, ao son da música galega.
Esa potencia que amosan no escenario, esa combinación de tradición e vangarda, de pandeiretas e aturuxos con electrónica, que demostra que a liberación da muller é máis que unha realidade, fai das Fillas de Cassandra unha das bandas máis características da revolución da música galega contemporánea. Así o cercioraron facendo bailar a toda a praia, contando co apoio no escenario das bravas de De Ninghures, e con outra da rebelión do tradi galego, Mondra. Xuntas botaron un “Punheta” que quedará na memoria da cidade.
Da praia de Riazor ao ceo!
View this post on Instagram
O Xoel máis caribeño
De seguido tocou unha das figuras máis esperadas. Xoel López entregouse ao seu público 12 anos despois da súa última aparición no festival. E fíxoo cos seus ritmos máis caribeños, mesmo lanzando unha homenaxe a Juan Luís Guerra cantando coa súa banda de homes o “Ojalá de llueva café en el campo”.
🎶 #XXXVIIFestivalNoroesteEstrellaGalicia 🎶
🗓️ Venres, 9 de agosto
📍 Praia de Riazor
🎤 @xoellopez🔹🔹🔹@ConcelloCoruna @estrellagalicia @Depucoruna @turgalicia#FestivalNoroeste #AoCompásDoNoroeste #SomosNoroeste #EstrellaGalicia pic.twitter.com/XeLxLsRdO8
— Festival Noroeste Estrella Galicia (@FestNoroesteEG) August 9, 2024
A noite pechárona os ritmos divertidos dos Crystal Fighters.
O programa
A música galega volverá estar presente na xornada do sábado con The Rapants. Os muradáns saltarán aos escenario á 1:00h despois das guitarras salvaxes dos coruñeses Triángulo de Amor Bizarro (unha referencia en todo o estado) e Vetusta Morla.
Máis novas
De Ninghures e Fillas de Cassandra trouxeron a festa dos medios en galego á Coruña
As Fillas de Cassandra ou o destape da música tradicional galega
