InicioCULTURADe Ninghures e Fillas de Cassandra trouxeron a festa dos medios en...

De Ninghures e Fillas de Cassandra trouxeron a festa dos medios en galego á Coruña

Publicada o

Por Ubaldo Cerqueiro

Organizou a Asociación de Medios en Galego (AMEGA), en colaboración co Xornal da Coruña, este xoves, un dos eventos do programa de actividades polo #DíadosMediosenGalego, demostrando que esta cidade pode disfrutar ao máximo da música en galego.

Máis de medio millar de persoas encheron a Sala Inn para gozar do festival de música galega contemporánea da man de dúas bandas emerxentes pero que xa son unha realidade, como De Ninghures e Fillas de Cassandra.

A banda De Ninghures abriu o seu catálogo bergantiñán e case caribeño facendo vibrar ao público, e demostrando unha perfecta sintonía coas Fillas da Cassandra, que non dubidaron en subir ao escenario e compartir temas.

Fillas de Cassandra no Festival dos Medios en Galego
Fillas de Cassandra no Festival dos Medios en Galego

As MaríaSOA e Sara Faro, que gozaron do concerto dos seus compañeiros entre o público cunha naturalidade fantástica, e como unhas siareiras máis, volveron demostrar que son unha auténtica revolución musical. Xa demostraran no pasado Atlantic Pride na Praza de Pontevedra a súa potencia sobre o escenario, e este xoves fixeron tremer a sala co seu último disco, “Últimas Dionisíacas”, e tamén cos seus xa himnos “Varre Vasoira” ou “Lisístrata”.

Medios en Galego e Valentin Garcia SXPL con Fillas de Cassandra 1
O presidente da AMEGA Pablo García, o Secretario Xeral de Política Lingüistica Valentín García, e Ubaldo Cerqueiro da AMEGA e o Xornal coas Fillas de Cassandra

Este sábado, Roteiro sobre a memoria da prensa en galego

Este evento, que conta co apoio da Secretaría Xeral de Política Lingüística e da Deputación da Coruña, enmárcarse no programa de actividades do #DíadosMediosengalego, que o país celebra cada ano o 7 de febreiro co gallo da saída d’O Tío Marcos da Portela, unha publicación ourensá feita por Valentín Lamas Carbajal en 1876.

O programa remata este sábado 24 co roteiro pola historia da #prensaengalego na mesma cidade herculina.

A AMEGA descobre a historia dos medios en galego da cidade

Máis novas

As Fillas de Cassandra ou o destape da música tradicional galega

ÚLTIMAS

“O Xerente da Área Sanitaria non sabe falar c@s traballador@s”

Aínda soan os ecos da manifestación realizada este pasado xoves 6 de febreiro no...

Galicia celebra o Día dos Medios en Galego lembrando o nacemento da primeira publicación en galego

Un 7 de febreiro de 1876, Valentín Lamas Carbajal editaba en Ourense O Tío...

Guadi Galego e as Tanxugueiras lanzan o seu “Inconformismo”

Guadi Galego e as Tanxugueiras, trío galego formado por Sabela Maneiro, Aida Tarrío e...

Xa nas plataformas o novo sinxelo de De Ninghures

Hoxe, que se celebra o Día dos Medios en Galego co concerto no Playa...

DEIXAR UN COMENTARIO

Please enter your comment!
Please enter your name here