Yeyei Gómez, Marc Torices e Marcello Quintanilha protagonizan a última sesión de ‘Viñetas Late Night’ no marco do Salón do Cómic da Coruña. Será este venres, día 16, ás 23.00 horas, no Teatro Colón onde, antes, ás 21.30 horas, proxectarase a película ‘Tungsteno’, informa a organización.
Este venres chega tamén a quenda á primeira edición das dúas xornadas do Festival de Autoedición Autobán, que celebra o seu décimo aniversario no Circo de Artesáns. Farao cun programa que inclúe a entrega do I Premio Autobán ao Mellor Fanzine Galego, ás 17.30 horas, o seu tradicional Autobombo, media hora despois, e o Combate de Debuxantes, ás 19.30 horas.
Ademais da presentación de libros e o espectáculo de teatro infantil Moby Dick, no Quiosco Alfonso, ás 18.00 horas, os autores convidados a ‘Viñetas desde o Atlántico’ Marc Torices, Lucas Varela, Kundo Krunch, Marcello Quintanilha e Manuel L. Poy asinarán exemplares dos seus libros.
