Os bombeiros do parque comarcal provincial de Carballo participaron, arredor das 21:10 horas da tarde de onte, na extinción dun lume que afectou a un remolque. Foi, segundo informa o Consorcio Provincial contra Incendios, no interior dun alpendre que se atopaba no anexo dunha vivenda familiar.

En concreto, produciuse na rúa Queo de Abaixo, no municipio de Carballo. Tamén ardeu un colector de lixo que se situaba a uns 25 metros do lugar. O operativo dos bombeiros consistiu na extinción das chamas. Participaron tamén Garda Civil, Protección Civil e Policía Local de Carballo, entre outros efectivos.