A Audiencia Provincial da Coruña celebrará o día 19 o xuízo contra unha muller acusada de usar, entre xullo de 2019 ata xullo de 2020, sen coñecemento nin consentimento do seu titular, o seu cartón de crédito, segundo informa o Tribunal Superior de Xustiza de Galicia TSXG.

No seu escrito de cualificación, Fiscalía sostén que a procesada tiña acceso á mesma ao prestar servizos como asistenta da muller, xa falecida e cuxos herdeiros reclaman o diñeiro.

O Ministerio Público afirma que “en sucesivas ocasións durante ese período de tempo, a acusada, facendo uso dese cartón de crédito, extraeu do caixeiro unha cantidade aproximada de 34.200 euros”, cantidade que se demanda tras a morte da muller en 2021.

Os feitos considéraos constitutivos dun delito continuado de estafa e pide impor á acusada a pena de dous anos e seis meses de prisión.