Este sábado, 21 de marzo, o barrio de Monte Alto comparte música tradicional con Asturias no Alcuentru Trad-Urbán 2026. A agrupación Son d’aquí organiza,e n colaboración con varios colectivos, unha serie de aulas, charlas, comida e foliada que tecerán pontes entre as comunidades irmás.
Este evento chega á Coruña tras anteriores edicións en Lugo ou Llanes (Asturias) e co barrio de Monte Alto e o colexio Eusebio da Guarda como grandes protagonistas xeográficos. A Agrupación Cultural Son d’aquí, que colabora coa organización encargándose tanto dalgunhas das aulas como de exercer de anfitrións na Espicha (comida) para coller forzas durante a xornada.
Haberá obradoiros no Eusebio e A Espicha celebrarase ás 14.00 horas na sede de Son d’aquí, na rúa Santo Tomás, 40, mentres que dende as 17.30 desenvolverase unha charla cos entroidos como protagonistas, no Centro Cívico de Monte Alto.
A festa terminará cunha foliada aberta, que abrirán as Cantareiras de Son d’aquí, seguidas de Soi Panderetera, de Xixón.
