O multiinstrumentista, compositor e produtor musical arxentino Gustavo Santaolalla, gañador de dous Premios Óscar, estará en concerto no Palacio da Ópera da Coruña o domingo 29 de setembro.
Segundo informa o Concello da cidade herculina, as entradas xa están á venda e a actuación comezará ás 19.30 horas. Engade que será a súa “única” interpretación en España ata o momento na xira internacional que o artista está a realizar para conmemorar o 25 aniversario do seu disco ‘Ronroco’.
Un álbum que presenta, explica o Consistorio, foi “fundamental” na súa carreira “que lle abriu as portas do cinema para triunfar en Hollywood”. Acompañado pola súa nova banda composta por cinco músicos multiinstrumentistas, Santaolalla repasará as 12 “icónicas” cancións de ‘Roncoco’ e interpretará as súas composicións máis populares, concreta o Concello.
