A alcaldesa da Coruña, Inés Rey, anunciou que o consistorio solicitará formalmente a declaración de zona tensionada, segundo informou tras unha visita ao barrio de Xuxán e ao centro educativo de Someso xunto á ministra de Vivenda, Isabel Rodríguez. “Imos solicitar formalmente a declaración de zona tensionada, beneficia á cidade no seu conxunto, pero especialmente aos arrendatarios e arrendadores”, expuxo en declaracións aos xornalistas.
Así, sinalou que os inquilinos, cos cálculos estimados polo consistorio, “aforrarían ao redor dos 450 euros de media ao ano no seu aluguer”. “Pero é que os propietarios poderían desgravar ata o 90 por cento da renda”, sinalou apuntando á bonificacion no IRPF. Con esta actuación, a regulación dos pisos turísticos e a construción de vivenda pública, trasladou a súa confianza en que se poida reverter a situación nunha materia “que preocupa cada vez a máis españois”, aseverou.
O Concello da Coruña inicia a consulta pública sobre a ordenanza de regulación de pisos turísticos
