Presentaba o pasado venres o presidente da Xunta os Orzamentos para 2025. E malia que é complexo diferenciar por comarcas, facemos un repaso dos investimentos principais e das diferentes lecturas de PP e BNG.

Investimentos: 115 millóns para Coruña e a área

• 37,6 M€ para as obras do Novo Chuac.
• 16,6M€ serán para a estación intermodal.
• 15,3M€ serán para vivendas en Xuxán, onde se constrúen 144 vivendas social, 256 protexidas en parcelas cedidas pola Xunta e está a tramitar modificación do PXOM por 520 máis.
• 10M€ para Emprego: 4,3M€ para o novo centro de formación especializada en novas ocupacións relacionadas coa transición verde e dixital; 350.000 € para o novo Centro de Orientación ao Emprendemento; 4,7 millóns para investir nos próximos anos nos centros de investigación de excelencia, CITIC, CICA, CITEC.
• 3,3M€ para a Orquestra Sinfónica de Galicia.
• 3,1M€ para melloras en instalacións deportivas de Elviña (0,6M€) e centros educativos do o IES Eusebio da Guarda (2M€) e CIFP Paseo das Pontes (0,5M€).
• 0,9M€ para rematar as obras da Torre de Hércules.
• 1,1M€ para o albergue de peregrinos.
• 1,6M€ a melloras na residencia de maiores de Torrente Ballester.
• 2,1M€ para o Cetro de Saúde de Santa Lucía.
• 2,9M€ para a fachada marítima.

A postura do PP

Para o voceiro popular Miguel Lorenzo, “Alfonso Rueda demostra que é posible crear máis benestar, prosperidade e futuro para os coruñeses baixando impostos”. O voceiro do Grupo municipal Popular, Miguel Lorenzo, o os parlamentarios Gonzalo Trenor e Roberto Rodríguez, e a delegada autonómica Belén do Campo, puxeron en valor as cifras de investimentos da Xunta e destaca que “tamén os executa, que é a gran diferenza con respecto a a Goberno estatal que nos ignora e retrasa todos os seus anuncios e un goberno concello que non inviste e o pouco que fai é tarde e malo”.

A postura do BNG

Pola contra, o BNG entende que “a cantidade global que se destina á cidade e á comarca descende a respecto de 2024: pasa de 128 millóns de euros a apenas 115”. Critica a falta de transparencia para avaliar os orzamentos (proben en orzamentos.xunta.gal) e lamemtan a falta de investimento en vivenda e servizos públicos.

Van máis alá e a analizan algunha partida concreta, como a repetición de partidas que non se executaron o ano pasado:
– “Volve aparecer unha partida para o Albergue de Peregrinos, con 1,1 millóns cando en 2024 xa tiña unha partuda de 1,5 que non se executou”;
.- “A partida que aparece para o centro de saúde de Santa Lucía (2,1M) é a mesma que a de 2024 que tampouco se executou”.
– “Volven aparecer partidas que existiron noutros orzamentos pero que nunca se executaron: a residencia de maiores a financiar pola Fundación Amancio Ortega e a plataforma flotante do Parrote”.

Critican que “descenda a cantidade destinada a obras en centros educativos. Pasa de 8,2M de 2024 a 6,9”.

Sobre os 16,6M€ da Intermodal cren que se debe a que se trasladaron cartos non executados en 2024. E en canto ao Novo CHUAC, entenden que “ a cantidade orzada para 2025 é inferior á de 2024 (41,1M) cando ademais a previsión, no calendario plurianual, era a de destinar 100,5ME. Evidencia de as obras iren con moito retraso”.