OO Partido Popular esixiu no Senado ao Goberno central que “asuma” as indemnizacións aos mariscadores da ría do Burgo mentres as especies resembradas non teñan a talla suficiente para que se poidan comercializar.

A través do seu senador, Manuel Ruiz Rivas, defenden que é o Executivo central o que debe asumir o pago destas compensacións, tendo en conta que, na súa opinión, é o Estado o que “liderou, adxudicou e contratou a obra”.

Para Ruiz “a obra dura non o que están as máquinas sobre o terreo, dura o que a declaración de impacto ambiental di que dura e a declaración de impacto establece que as afectacións chegan ata que as especies resembradas adquiren unha talla adecuada para a súa comercialización”.

O popular subliña, ademais, que a propia baixa orzamentaria da obra permitiría ao Estado poder facer fronte a estas indemnizacións. Incide tamén en que a rexeneración da ría do Burgo é competencia “única e exclusiva” do Executivo central.