Volveron saír á rúa as traballadoras e os traballadores da Escola Municipal de Música da Coruña, esta pasada tarde-noite de martes 29 de outubro. Ao remate do horario lectivo, ás 20:30h, saíron diante da propia da escola, situada na rúa da Torre, 67.
Manteñen así o calendario de mobilizacións coordinadas pola CIG a pesar das promesas do goberno local chegadas a semana pasada, esixindo a xestión directa, que se dote o centro dos orzamentos necesarios e que se cumpra co estabelecido no convenio colectivo.
A loita continúa, cando menos ata o 7 de novembro, cando o persoal vai realizar unha nova protesta en María Pita, ás 09:45h, coincidindo coa celebración do pleno municipal ao que, en teoría, se levará o novo modificativo de crédito (xa o 5º deste ano) para a EMM e subsanar as necesidades e débedas co persoal traballador.
Esta cantidade para o pago dos atrasos salariais que irá a pleno a próxima semana está pendente de contar cos votos necesarios e o resto de compromisos trasladados na última reunión coa concellaría de Cultura tamén están supeditados a que se aproben os orzamentos municipais para 2025.
📢Co diñeiro da escola non se xoga!
🎶Nova xornada de protesta na Escola Municipal de Música da #Coruña en demanda da xestión directa, orzamentos suficientes para ofrecer un ensino público e de calodade e que se cumpra cos dereitos do persoal
ℹ️https://t.co/vWz6uhXewe pic.twitter.com/DboldTNnkv
— CIG (@galizaCIG) October 29, 2024
