O Concello da Coruña comezou a demolición do esqueleto urbanístico do barrio do Martinete debido a que a propiedade “nunca chegou a completar as obras necesarias para darlle acceso ás vivendas e o edificio quedou sen terminar” e, co paso do tempo, a construción declarouse “ilegal”.

Así o explicou a alcaldesa da cidade herculina, Inés Rey, durante a súa visita ao comezo das operacións de derriba deste inmoble construído durante os anos da crise financeira de 2008. Na mesma, Rey estivo acompañada polo concelleiro de Economía e Planificación Estratéxica, José Manuel Lage; o de Urbanismo, Rehabilitación e Vivenda, Francisco Díaz Galego; e pola concelleira de Emprego, Comercio e Mercados, Diana Cabanas.

A previsión do consistorio, segundo informa, é que os traballos de demolición, que levan a cabo pola vía de execución subsidiaria, duren aproximadamente catro meses, “co obxectivo de velos terminados no primeiro trimestre de 2025, deixando así o terreo baleiro”.

Alegría no Martinete ante o comezo das obras do derrubamento do esqueleto

O Martinete únese contra o abandono… e o esqueleto de formigón

Parque Ciudad “Monte Martelo”, un parque que cambia unha cidade