Familiares do empresario Amador de Castro presentaron, nun acto nun hotel coruñés, a fundación que leva o nome do mesmo e que buscará axudar a persoas con síndrome de Down e a outras diagnosticadas de Alzheimer.
Ao acto, asistiron, entre outros, o conselleiro de Facenda, Miguel Corgos, e a titular de Política Social e Igualdade, Fabiola García, que puxo en valor o “exemplo de compromiso social” do empresario e destacou iniciativas como esta.
Foi na presentación a representantes do ámbito social, empresarial e institucional da Coruña e de Galicia desta nova fundación, con presenza de familiares, amigos, directivos e traballadores das empresas vinculadas á traxectoria profesional de Amador de Castro.
Na presentación, estiveron a presidenta da Fundación e esposa de Amador de Castro, Rosa Torre Fouz e as súas fillas Marta, Branca e Susana, quen, en declaracións aos medios, sinalou que o obxectivo é seguir “o legado” do seu pai.
Xa na apertura do acto, Marta de Castro Torre, patroa da Fundación e filla de Amador de Castro, incidiu nesta idea e no obxectivo de prestar axuda a estes colectivos cos que traballará a fundación e tamén ás súas familias.
