Presentaba este pasado sábado a Asoc. LesCoruña, o primeiro informe, realizado en colaboración coa Deputación sobre a soidade non desexada realizado entre as mulleres lesbianas e bisexuais galegas. O espazo Teu Teu (Orzán 96, A Coruña) acollía o resumo e as conclusións desta análise feita por Kika Fumero, exdirectora del Instituto Canario de Igualdad, que estivo acompañada pola escritora e activista Eva Mejuto e a Concelleira de Benestar Social Nereida Canosa.
Son impactantes as conclusións do informe (podedes velo aquí) que presenta esta Asociación de Mulleres pola Igualdade e a Visibilidade Lésbica da Coruña, entidade que loita polos dereitos do colectivo LGTBIQ+ dende o 2018. O dato máis reseñable, é que o 62% das lesbianas galegas aseguran sentirnse soa pola súa orientación sexual, pola que sentiron depresión nalgún momento da súa vida.
O informe destaca tamén que o 42,4% das mulleres lesbianas e bisexuais declararon ter baixa autoestima, e ata o 62% expresa insatisfacción vital en relación a como viven a súa sexualidade.</p
Ocultación
Vai máis alá o informe falando da ocultación da súa condición. Só o 21,8% das mulleres bisexuais están fóra do armario no lugar de traballo e a metade das enquisadas admite ocultar nalgunha ocasión a súa orientación sexual para evitar conflitos.
Enquisa para ampliar o informe
O estudo estenderase a unha segunda fase mediante unha ampliación das enquisas, que se recollerán en liña e de forma anónima a través desta ligazón.
