O Concello da Coruña manterá por agora a bonificación do autobús urbano, á espera de estudar “os pasos a dar” tras o rexeitamento no Congreso ao decreto ómnibus, polo que quedan anuladas as bonificacións ao transporte público.

En declaracións a Europa Press o portavoz do goberno local, José Manuel Lage, aseverou que quen ten que dar explicacións aos cidadáns “é o PP, que onte votou en contra de bonificar o transporte público e, por tanto, é o responsable de que se eliminen as axudas implantadas polo goberno de Pedro Sánchez”.

“O PP mostra a súa verdadeira cara votando en contra dos intereses da maioría dos cidadáns que valoran positivamente que rebaixásemos o prezo do transporte público”, aseverou.

Ademais, ha inicido en que os socialistas “fan que o transporte público sexa máis barato e o PP, co seu voto en contra, fai que sexa máis caro”.