A pandeireteira Fransy González (@fransygc) vén de dar un salto e estrea proxecto propio. A artista de Arteixo, cunha ampla carreira no mundo da música tradicional galega, vinculada a Xiradela e a traballos con outros artistas e xiras por distintos países como solista, lánzase en solitario presentando proxecto persoal, froito de décadas de experiencia como cantareira, e mestra de pandeireta e canto tradicional. Un proxecto “sinxelo, feito coa madurez que confiren os anos e a peito descuberto”.
”Manhe” é o título deste novo traballo con voz propia, acompañada por Pedro Lamas na composición e dirección musical, e conta con Rosalía Vázquez ao violochelo e con Antonio Romero Cienfuegos ao contrabaixo. O traballo foi gravado, mesturado e masterizado por Rubén Montes en Disquesi Studio, e o deseño é de Alba Pose.
O primeiro tema deste proxecto co que Fransy inicia un novo camiño na súa carreira musical chámase “Media leghua de camiño”. “Nin no mundo nin na terra” é o título do segundo tema deste traballo, que xa se poden escoitar en todas as plataformas dende o 19 de febreiro.
En amnas recollen coplas tradicionais aprendidas de María de Estevo de Soutullo. Erbecedo, Silván (Coristanco)
Máis novas musiqueiras
Pepe Cunha, 25 anos á fronte do mellor programa de música galega contemporánea, “Ábrete de Orellas”
AMEGA, Leria e A Banda da Loba levaron o galego ao Playa Club
