InicioCULTURAAmoebo lanza “Unha foto”, o seu novo sinxelo

Amoebo lanza “Unha foto”, o seu novo sinxelo

Publicada o

Por editor

Xa está nas nas principais plataformas dixitais o novo sinxelo de Amoebo. “Unha foto” é o novo tema dunha das revolucións da música galega contemporánea. O ouresenán é un dos que mellor marida ritmos urbanos e electrónicos, sempre cunha alma verbeneira, irreverente e deshinibida.

O tema, un retrato sonoro cheo de paixón e controversia, é o derradeiro avance do seu novo LP Escándalo no escuro, un dobre álbum que verá a luz o vindeiro 7 de marzo e do que xa se coñece o tema “Lobishomes”.

A nova canción de Amoebo representa a necesidade física e afectiva do amor máis pasional. Unha foto presenta una gran carga explícita, na que non falta a ironía tan característica do seu frontman Aaron Valle. “Unha foto máis e arranco, unha foto máis e aí que vou”, “ata que veñas eu non paro, que ben me educaron”. Na letra, unha situación tan común como é a de recibir unha foto desencadea as necesidades máis básicas do corpo e amosa como a distancia física non é un impedimento para o amor desenfreado.

Neste novo traballo producido por David Fernández (Daiv), Amoebo mestura o pop máis enérxico cunha estética sonora escura e cargada de adrenalina. Cunha gran influencia de artistas como Britney Spears ou Bad Gyal, o esqueleto pop-urban da canción está decorado con sintetizadores agresivos e baixos 808, que representan a velocidade, a urxencia e a necesidade. “Unha foto” é un tema frenético, bailable e coreable, que ten o foco posto na proposta rítmica e nun post-coro instrumental efusivo e pegadizo.

Máis novas

AMEGA celebra o Día dos Medios en Galego cun concerto na Coruña de Leria e a Banda da Loba

A Marea, o novo temazo branquiazul en clave urbana de Willow GHZ

“Queremos ir creando unha rede da escena rur-urbana galega”

Tres galardóns herculinos nos Premios Martín Códax da Música

 

ÚLTIMAS

As traballadoras das residencias privadas reclaman mellores condicións para poder dar unha atención de calidade

Nova mobilización polas rúas da Coruña (é raro día que non haia colectivo denunciando...

As traballadoras da Rede de Escolas Infantís Municipais sacan a careta a Borrego

Despois de meses esperando que o Concello cumprise as súas preguntas, as traballadoras da...

Comeza a actividade presencial na Axencia de Intelixencia Artificial na Coruña

A Agencia Española de Supervisión de Inteligencia Artificial (Aesia) celebrou este venres o seu...

DEIXAR UN COMENTARIO

Please enter your comment!
Please enter your name here