O Atlantic Pride, que xa coñece as primeiras actuacións, convoca unha nova edición do Certame de Literatura LGTBIQ+. Coa idea de tecer unha rede de cultura e activista, o festival organiza o IV Certame de Literatura LGTBIQ+, co que pretende visibilizar as diversidades sexuais e de xénero e vivenciar as experiencias minorizadas de todas as persoas LGTBIQ+.
O xurado estará composto por integrantes do club de lectura QUEERuña e as obras gañadoras anunciaranse durante a celebración do festival (do 6 ao 13 de xullo de 2025), momento no que terá lugar, tamén, a entrega dos premios. As bases de participación do IV Certame de Literatura LGTBIQ+ do Atlantic Pride poden consultarse na páxina web oficial do festival.
A temática é libre, con vinculación á diversidade LGTBIQ+, se ben só se admiten traballos en galego, exclusivos para este certame, cunha extensión máxima de 10 páxinas, con tipografía Times New Roman, tamaño 12, interlineado 1.
O 31 de maio de 2025 será o día de peche da recepción de obras.
Haberá tres galardóns en metálico (1º premio: 600 €; 2º premio: 300 €; 3º premio: 100 €).
Edurne, Nia e Merche entre os primeiros nomes confirmados do Atlantic Pride 2025
Outras novas
A española “Transición” leva o premio Trini Falcés do Norte Cinema Diverso
