Un dos proxectos de inclusión sociolaboral máis exitosos e que máis apoio social conta da última década na cidade pode estar en perigo. Así, denuncia o BNG, lembrando que o convenio con Mulleres Colleiteiras para a reciclaxe de aceite usado, aprobado hai 10 anos polo goberno da Marea, está caducado dende hai dous anos e avisando que o a Concellería de Medio Ambiente que dixire agora a firme Yoya Neira, ten formulado a proposta de sacar a servizo o concurso. Así llo teñen deixado claro nas últimas reunións á Cooperativa.
No Xornal falado coas Mulleres Colleiteras desta iniciativa laboral, que leva permitido a inclusión laboral de ducias de mulleres xitanas, e que hoxe dá emprego a 8 traballadoras fixas. Un “exemplo de emprendemento e empoderamento feminino, protagonizado por mulleres ciganas que vivían en situacións de exclusión social”, que actualmente é o único proxecto laboral exitoso anos despois das distintas iniciativas para favorecer a inclusión social e laboral de persoas que vivían en asentamentos chabolistas.
O BNG vai levar o asunto ao pleno deste xoves 13 de marzo destacando o “grande interese medio-ambiental” do mesmo. Jorquera deixa claro que “a lei estatal permite transformar o actual convenio nun contrato con Mulleres Colleiteiras para que continúen a prestar ese servizo, xa que non hai contraprestación económica”. Así acontece, subliña, “con multitude de contratos subscritos polas administracións con entidades sociais”, até o punto de que “a propia normativa autonómica contempla o réxime de concertos sociais”.
Alerta ademais de que se lles obrigan a constituírse como empresa de inserción para poder concursal, isto tería “paradoxalmente” como consecuencia práctica que o modelo retrocedería en conquistas sociais e laborais.“Mulleres Colleiteiras”, explica Jorquera, “e unha cooperativa e se se vise obrigada a se tornar nunha empresa de inserción, durante os dous primeiros anos o 30% das persoas contratadas tería que proceder de ‘bolsas de emprego’, porcentaxe que co paso do tempo aumentaría até chegar o 50%”.
A realidade é que coa nova lexislación si que se podería dar, nunha soa ocasión, un contrato reservado de 3 anos, para o cal a Cooperativa cumpriría os requerimentos, formulando a necesidade de nese tempo, ir adaptando a Cooperativa ás necesidades lexislativas. Pero a intención da Concellería de Medio Ambiente .
”Que intereses hai?”
Juan Aradas (fundador Mulleres Colleiteiras e membro de Arquitecto sen Fronteiras) pregúntase “que intereses hai para cambiar algo que funciona”. Lembra a presenza etérea ata hai pouco da pantasma da Fundación Olidis, unha gran entidade que prometera crear unha planta de reciclaxe na Estrada e que dende que participou nunhas xornadas de Inclusión e Economía social organizadas na Facultade de Económicas en 2022, as negociacións co concello cambiaron de rumbo.
Arada critica que nos últimos anos teñen pouco apoio municipal para, por exemplo, ampliar a rede de contedores, e temen que esta sexa unha “especie de manobra como a que se fixo no seu momento cos puntos limpos”, que provocou o “comezo da criminalización da poboación xitana”, que se dedica á ferralla legalmente. “Ao mellor pensa que estas xitanas chegaron demasiado lonxe e que teñen que volver cobrar o Risga”, lanza Arada.
Máis novas
A Fundación Secretariado Xitano, rompendo prexuizos dentro e fóra da comunidade
