A Xunta iniciou as obras de demolición do antigo edificio de Pacientes do complexo hospitalario universitario da Coruña de cara ás obras de ampliación no marco do proxecto ‘Novo Chuac’.
A conselleira de Vivenda e Planificación de Infraestruturas, María Martínez Allegue, subliñou que se trata dunha obra “de gran envergadura” que se executa simultaneamente coa actividade asistencial sanitaria, que “en ningún momento se vai paraliza”.
Destacaron que se tratan de actuacións encamiñadas a incrementar a superficie asistencial, cun aumento, entre outras novidades, dun 15 % das camas dispoñibles.
Derrubamento
O derrubamento do antigo edificio do Pacientes, que data de 1972 e que consta con 10 pisos e máis de 7.500 metros cadrados construídos, levará a cabo en distintas fases.
Na primeira, será o volume correspondente ao salón de actos e unha parte do bloque administrativo, integrada por tres plantas. Na segunda fase, abordarase a derruba do resto de bloques.
Esta actuación facilitará os terreos necesarios para a construción dos accesos e o anel perimetral do complexo hospitalario universitario da Coruña, que a Xunta executará ao amparo do convenio asinado co Concello.
