O Concello reuniuse onte con representantes da Asociación Veciñal Castrillón-Urbanización Soto e das comunidades de propietarios dos portais da rúa José María Hernansáez e da avenida da Concordia para presentarlles os detalles do proxecto de urbanización da praza José María Hernansáez, unha intervención clave para a transformación dun espazo degradado e sen acondicionar que na actualidade presenta problemas de accesibilidade e mantemento.

A intervención permitirá ordenar os espazos de tránsito e dotala de usos sociais e lúdicos, con especial atención á accesibilidade, eliminando o estacionamento desordenado para a transformación do ámbito nunha praza peonil; a creación de sendas e zonas de estancia con pavimentos permeables e accesibles; e a implantación de novo mobiliario urbano, iluminación e reorganización das zonas verdes, conservando as árbores singulares existentes e incorporando novas especies de baixo mantemento.

Tamén se prevée a actuación nos viarios colindantes, con pasos de peóns elevados e melloras na accesibilidade ás vivendas da contorna, xunto cos renovación do sistema de drenaxe, separando augas pluviais e residuais para evitar encharcamentos. O proxecto tamén ten en conta o acceso de vehículos de emerxencias.